२४ घण्टामा देशभर १ हजार ३९ जनामा कोरोनाभाइरस संक्रमण पुष्टि

पुलेसो ३ असोज, २०७८, आईतबार १६:४०

काठमाडौं – पछिल्लो २४ घण्टामा देशभर थप १ हजार ३९ जनामा कोरोनाभाइरस (कोभिड-१९)संक्रमण पुष्टि भएको छ ।यससँगै देशभर कुल संक्रमितको संख्या ५४ हजार १५९ पुगेको छ ।

देशभरका विभिन्न प्रयोगशालामा ९ हजार १६५ पीसीआर परीक्षण गरिएकोमा १ हजार ३९ जनामा कोरोनाभाइरस संक्रमण पुष्टि भएको स्वास्थ्य तथा जनसंख्या मन्त्रालयको आइतबारको नियमित प्रेस ब्रिफिङमा मन्त्रालयका प्रवक्ता प्रा.डा.जागेश्वर गौतमले जानकारी दिए ।

यस्तै पछिल्लो २४ घण्टामा देशभर १ हजार १७३ जना निको भएका छन् भने निको हुनेको कुल संख्या ३८ हजार ६९७ पुगेको छ ।

देशभर सक्रिय संक्रमितको संख्या १५ हजार ११७ रहेको छ । जसमा संस्थागत आइसोलेशनमा ७ हजार ७३० र होम आइसोलेशनमा ७ हजार ३८७ जना रहेका छन् ।