Techie IT
×
१५ असोज, २०७७, बिहीबार
जम्मा संक्रमित (नेपाल)
निको भएको
मृत्यु
जम्मा संक्रमित (विश्व)
गृहपृष्ठप्रमुख खबरसरकारले पर्यटन क्षेत्रको पुनर्उत्थानमा राहत र सहुलियत प्याकेजहरू ल्याएको छ : मन्त्री भट्टराई

सरकारले पर्यटन क्षेत्रको पुनर्उत्थानमा राहत र सहुलियत प्याकेजहरू ल्याएको छ : मन्त्री भट्टराई


काठमाडौं – संस्कृति, पर्यटन तथा नागरिक उड्डयन मन्त्री योगेश भट्टराईले सरकारले पर्यटन क्षेत्रको पुनर्उत्थानका लागि राहत र सहुलियतका प्याकेजहरू ल्याएको बताएका छन्।

१३ औं अन्तर्राष्ट्रिय सगरमाथा दिवसको अवसरमा आयोजित कार्यक्रमलाई सम्बोधन गर्दै मन्त्री भट्टराईले सरकारले बजेटमार्फत देशको अर्थतन्त्रको आकार, बाध्यता र क्षतिको अवस्थाअनुरूप राहत र सहुलियतका प्याकेजहरू ल्याएको बताए।उनले सरकारले बजेटमार्फत ल्याएको राहत र सहुलियतबाट पर्यटन व्यवसायीहरू उत्साहित भएको विश्‍वाससमेत व्यक्त गरे।

कोभिड-१९को महामारीबाट सबैभन्दा बढी क्षति पर्यटन क्षेत्रमा भएको र सरकारले छिट्टै पूर्ववत अवस्थामा फर्काउने प्रयास गरिरहेको उनको भनाइ थियो।आरोहणको क्षेत्रमा भएका समस्या समाधान र थप रोजगारी सिर्जना गर्नेगरी पर्यटन ऐन ल्याउन लागिएको उनले जानकारी दिए। पर्यटन तथा पर्वतारोहण अध्ययन प्रतिष्ठानको अवधारणाअनुरूप पर्यटन विश्‍वविद्यालय सञ्चालन गर्ने गरी ऐन ल्याउन लागिएको पनि बताए  ।

सगरमाथा नेपाली पर्यटनको पुनर्उत्थानको प्रेरणाको स्रोत रहेकाले सर्वोच्च शिखरको सरसफाइ र सौन्दर्य कायम गराउन सबै पक्षले ध्यान दिनुपर्ने मन्त्री भट्टराईले बताए।




तपाईको प्रतिक्रिया दिनुहोस