Techie IT
×
२३ जेठ, २०७७, शुक्रबार
जम्मा संक्रमित (नेपाल)
निको भएको
मृत्यु
जम्मा संक्रमित (विश्व)
गृहपृष्ठमनाेरञ्जननायिका निहारिका सिंहले भनेकी थिइन्, ‘डेटिङका बेला नवाजुद्दिन सिद्दीकीको श्रीमती छिन् भनेर थाहै थिएन’

नायिका निहारिका सिंहले भनेकी थिइन्, ‘डेटिङका बेला नवाजुद्दिन सिद्दीकीको श्रीमती छिन् भनेर थाहै थिएन’


नवाजुद्दिन सिद्दीकी बलिउडका निकै चर्चित अभिनेता हुन् । यद्यपि, उनको नीजि जीवन भने निकै विवादास्पद रहेको छ । केही समय अघि उनकी श्रीमती आलिया सिद्दीकीले उनलाई सम्बन्धविच्छेदको कागजातपत्र पठाएकी छिन् । विभिन्न अन्तरवार्तामा आलियाले विवाहको सुरुवाती वर्षमा नै समस्या देखिन सुरु भएको बताएकी छिन् । नवाजका दाइले एकपटक उनलाई हिर्काएकोसमेत बताएकी छिन् ।

आलियाका अनुसार नवाजको उनी अघिको विवाह पनि निकै समस्याग्रस्त थियो । वास्तवमा नवाजुद्दिन सिद्दीले एक संस्मरणमा आफू नायिका निहारिकसँग सम्बन्ध रहेको आफैंले खुलासा गरेका थिए । उक्त संस्मरण पछि उनले हटाएका छन् ।

उनले निहारिकाको घरमा पहिलो पटक जाँदाको क्षणलाई संस्मरणमा उतारेका थिए जसमा उनले लेखेका थिए, ‘लगभग सयवटा जति स–साना मैनबत्तीहरु बलिरहेका थिए । उनले भुवादार पहिरन लगाएकी थिइन् । उनी विनाशकारी तवरमा सुन्दर देखिएकी थिइन्, उनको सुन्दरता मैनबत्तीको उज्यालोमा झन् बलिरहेको थियो र मैले विवश भएर उनलाई आफ्नो अँगालोमा बेह्रे । त्यसपछि हामी सिधै बेडरुममा गयौं । हामीले आवेगपूर्ण प्रेम साटासाट गर्यौं ।’

उनले यसमा थपे, ‘म एक स्वार्थी हरामी थिएँ । मेरो साधारण उद्देश्य थियोः उनको घरमा जाने, स्वार्थ पूरा गर्ने र त्यहाँबाट निस्कने । मैले माया–प्रेमका कुरा खासै गरिनँ । यसले उनलाई यो सोच्न बाध्य बनयो कि म एउटा यस्तो घटिया व्यक्ति हुँ जसले आफ्नो बारे मात्रै सोच्छ ।’

निहारिकाले पछि स्पटबोइसँगको एउटा अन्तरवार्तामा नवाजुद्दिनसँग सम्बन्धमा रहँदा आफूलाई उनको विवाह भइसकेको भन्ने बारे कुनै जानकारी नभएको बताइन् । उनले भनिन्, ‘उनको गाउँमा श्रीमती छ भनेर पछि मात्रै थाहा पाएँ । उनले कहिले पनि यसबारे बताएनन् । नवाज कोसँग छन् भनेर थाहा पाउनै मुश्किल हुन्थ्यो किनभने उनले कहिल्यै पनि सीधा जवाफ दिँदैनथे ।’

नवाजुद्दिनसँगको सम्बन्धमा आपसी समझदारी, सम्मान र आधारभूत अपनत्व नभएका कारण तोड्नुपरेको उनले जानकारी दिइन् ।

स्रोतः जुम




तपाईको प्रतिक्रिया दिनुहोस