Techie IT
×
३ वैशाख, २०७८, शुक्रबार
जम्मा संक्रमित (नेपाल)
निको भएको
मृत्यु
जम्मा संक्रमित (विश्व)
गृहपृष्ठसमाचाररोनाल्डोको पेनाल्टी गोल मद्दतमा रियल मड्रिडको जित

रोनाल्डोको पेनाल्टी गोल मद्दतमा रियल मड्रिडको जित


लिगा फुटबलमा भ्यालेन्सियामाथि रियल मड्रिडले क्रिष्टियानो रोनाल्डोको दुई पेनाल्टी गोलको मद्दतमा जित हात पारेको छ ।

भ्यालेन्सियाको घरेलु मैदानमा भएको खेलमा शनिबार राति भएको खेलमा रियल मड्रिडले भ्यालेन्सियामाथि ४–१ को जित निकालेको हो । यससँगै रियलले तेस्रो स्थानमा रहेको भ्यालेन्सियासँगको अंक दूरी २ मा झारेको छ भने बार्सिलोनाभन्दा १६ अंक पछाडि छ ।

रियल मड्रिडले १६ औं मिनेटमा रोनाल्डोको पेनाल्टी गोलबाट अग्रता लिएको थियो । ३६ औं मिनेटमा रोनाल्डोले दोस्रो पेनाल्टी गोल गरेपछि पहिलो हाफमा रियल २–० ले अगाडि रह्यो ।

दोस्रो हाफमा भ्यालेन्सियाले खेलमा फर्कने प्रयास गरेको थियो । ५८ औं मिनेटमा मिना लोभन्जोले गोल गरे । तर ८४औं मिनेटमा मार्सेलो र ८९ औं मिनेटमा टोनी क्रुजले गोल गरेपछि रियल मड्रिड ४–१ ले विजयी भयो ।

जितपछि रियल मड्रिडको २० खेलबाट ३८ अंक भएको छ र चौथो स्थानमा छ । एक स्थानमाथि रहेको भ्यालेन्सियाको ४० अंक छ ।

 




तपाईको प्रतिक्रिया दिनुहोस