रिलायबल माइक्रोफाइनान्स २१ लाख ५५ हजार खराब कर्जा उठाउन सफल

पुलेसो १४ माघ, २०७७, बुधबार १२:२४

रिलायबल माइक्रोफाइनान्स वित्तीय संस्थाले रू. २१ लाख ५५ हजार खराब कर्जा उठाउन सफल भएको छ । दास्रो त्रैमासिक वित्तीय विवरणमा यस्तो देखिएको हो ।

सोही अवधिमा कम्पनीको नाफा ३ प्रतिशतले बढेर रू. ७४ लाख ७० हजार पुगेको छ । सञ्चालन नाफा घटेकाले र ब्याज खर्च १ सय ५४ प्रतिशतले बढेकाले न्यून प्रतिशतले नाफा बढेको हो । कम्पनीको चुक्तापूँजी ७० प्रतिशतले बढेर रू. ९ करोड ६० लाख र रिजर्भ कोषमा २८ प्रतिशतले बढेर रू. २ करोड २३ लाख पुगेको छ ।

कम्पनीले सम्भावित जोखिम बापतको व्यवस्थामा रू. २१ लाख २० हजार छुट्याएको छ भने निष्क्रिय कर्जा १ दशमलव ३० प्रतिशत रहेको छ । प्रतिशेयर आम्दानी (वार्षिक) १५ दशमलव ५६, मूल्य आम्दानी अनुपात १ सय दशमलव २८, तरलता अनुपात १८ दशमलव ४१ र प्रतिशेयर नेटवर्थ रू. १ सय २३ दशमलव २८ रहेको छ ।