आजदेखि शहीद सप्ताह सुरु

पुलेसो १४ माघ, २०७७, बुधबार १०:५३

शहीद सप्ताह आजदेखि सुरु हुँदैछ । हरेक वर्ष मनाउदै आएको शहीद सप्ताहको पहिलो दिन बुधबार टेकुको खरिबोटमा शुक्रराज शास्त्रीले अमरत्व प्राप्त गरेको ठाउँमा श्रद्धाञ्जली सभा आयोजना भएको छ । उक्त सभामा काठमाडौंका मेयर विद्यासुन्दर मल्ल लगायतको उपस्थिती थियो ।

त्यस्तै माघ १३ गते बिहान ८ बजे सिफलस्थित धर्मभक्त माथेमाले अमरत्व प्राप्त गरेको स्थानमा, १५ गते बिहान ८ बजे गंगालाल श्रेष्ठ र दशरथ चन्दले अमरत्व प्राप्त गरेको स्थान शोभा भगवतीमा श्रद्धाञ्जली सभा हुनेछ ।

माघ १६ गते सहिद दिवसका दिन, बिहान साढे आठ बजे रत्नपार्कको शान्तिबाटिकाबाट प्रभातफेरी हुनेछ ।