Techie IT
×
१ वैशाख, २०७८, बुधबार
जम्मा संक्रमित (नेपाल)
निको भएको
मृत्यु
जम्मा संक्रमित (विश्व)
गृहपृष्ठसमाचारकांग्रेसकै कार्यकर्ताद्वारा सरकारको विरोध

कांग्रेसकै कार्यकर्ताद्वारा सरकारको विरोध


दाङको तुलसीपुरमा नेपाली कांग्रेसका कार्यकर्ताले सरकारको विरोध गर्दै प्रधानमन्त्री शेरबहादुर देउवाको पुत्ला जलाएका छन् । बिहीबार अपराह्न भेला भएका कांग्रेस कार्यकर्ताले देउवाको पुत्ला जलाएका हुन् ।

आन्दोलनकारीहरूले प्रधानमन्त्री देउवाको चर्को विरोध गर्नुका साथै सरकारको समेत विरोध गरेका थिए । प्रदेश ५ को राजधानी दाङमा हुनुपर्ने माग गर्दै कांग्रेस कार्यकर्ताले उत्तेजनात्मक नारा गलाउँदै तुलसीपुरको वीरेन्द्र चोकमा प्रधानमन्त्री देउवाको पुत्ला जलाएका हुन् ।

पुत्ला दहनपछि आयोजित कोणसभालाई सम्बोधन गर्दै कांग्रेसका युवा नेता एकराज खड्काले नालायक सरकारले गरेको निर्णय फिर्ता नहुँदासम्म आन्दोलन जारी रहेन घोषणा गरे । सरकारविरुद्ध जनता सडकमा स्वतःस्फूर्त रूपमा उत्रिएको भन्दै उनले निर्णय पुनर्विचार नगरे देउवा सरकारले ठूलै मूल्य चुकाउनुपर्ने चेतानवी दिए ।

यसैबीच, राजधानीको माग गर्दै गरिएको दाङ बन्दका कारण यहाँको जनजीवन थप कष्टकर बन्दै गएको छ । आन्दोलनकारीहरूले आह्वान गरेको अनिश्चितकालीन बन्दको घोषणापछि यहाँको जनजीवन झनै कष्टकर बन्न थालेको हो । दाङमा अस्थायी राजधानी तोकिनुपर्ने माग गर्दै २ माघदेखि भएको आन्दोलन बुधबारदेखि झनै चर्किएको छ ।

सरकारले बनाएको प्राविधिक समितिले तयार पारेको प्रतिवेदनलाई लत्याएर अस्थायी राजधानी तोकेको भन्दै दाङका राजनीतिक दल, राजधानी सरोकार समिति, उद्योग वााणिज्य संघ, नागरिक समाजलगायतका सरोकारवाला सडकमा उत्रिएका छन् । आन्दोलनकारीहरू सडकका चोकचोकमा जम्मा भएका कारण दाङका मुख्य सहर तुलसीपुर, नारायणपुर, घोराही, लमही, भालुबाङ बजार पूर्ण बन्द छन् भने सवारी आवागमन पूर्ण रूपमा ठप्प छ । दाङ भएर बाहिर जाने र भित्रिने हजारौं यात्रु बीचबाटोमै अलपत्र परेका छन् । कतिपय यात्रु बेखर्ची भएको समाचार सार्वजनिक हुन थालेको छ ।

बन्दकर्ताहरूले अस्पतालबाहेक सबै सरकारी कार्यालय, बजार बन्द गराएका छन् भने एम्बुलेन्समा पनि बिरामीको एकिन गरेर मात्र चल्न दिएका छन् । दाङमा अटोरिक्सा र रिक्साहरूसमेत सञ्चालनमा रोक लगाएका छन् । यसैगरी, आसन्न राष्ट्रिय सभाको निर्वाचनलाई प्रभावित पार्नेगरी जिल्लाका सबै जनप्रतिनिधिलाई बन्धक बनाउने, सम्पूर्ण नेता तथा सरकारका प्रतिनिधिहरूलाई जिल्लामा प्रवेश निषेध गर्ने निर्णय आन्दोलकारीले

गरेका छन् । आगामी २४ माघमा दाङमा हुन लागेको प्रदेश ५ को राष्ट्रिय सभा निर्वाचन हुन नदिने र जिल्लामा कुनै पनि प्रकारको कर नतिर्नेलगायतका कडा आन्दोलनको स्वरूप तय भएको दाङ राजधानी सरोकार समितिका सदस्य सचिव सविन प्रियासनले बताएका छन् ।




तपाईको प्रतिक्रिया दिनुहोस