Techie IT
×
१ वैशाख, २०७८, बुधबार
जम्मा संक्रमित (नेपाल)
निको भएको
मृत्यु
जम्मा संक्रमित (विश्व)
गृहपृष्ठसमाचारअपाङ्गता भएकी बालिकासहित १७ बालिका यौन दुर्व्यवहारबाट पीडित

अपाङ्गता भएकी बालिकासहित १७ बालिका यौन दुर्व्यवहारबाट पीडित


सप्तरीमा एक वर्षको अवधिमा बोल्न नसक्ने अपाङ्गता भएकी दुई बालिकासहित नौ जना पीडित भएका छन् । सन् २०१७ को अवधिमा बालिका बलात्कारका आठ घटनामा १३ वर्षीया दुई बालिकासहित नौ जना पीडित भएको जिल्ला प्रहरी कार्यालयले जनाएको छ ।

यस्तै एक वर्षभित्र बलात्कार प्रयासका आठ घटनामा आठ बालिका पीडित भएको उजुरी पछि कारबाही प्रकृया अगाडि बढाइएको जिल्ला प्रहरी कार्यालयका निमित्त एसपी ध्रुबकुमार श्रेष्ठले बताए । सन् २०१६ को अवधिमा बलात्कारबाट १८ जना र बलात्कार प्रयासबाट नौ जना बालिका पीडित भएको घटनामाथि कारबाही भएको थियो ।

सन् २०१७ को अवधिमा भएका आठ बालिका बलात्कारको घटनाका आरोपित १२ जनामध्ये पुपर्क्षका लागि चार जना राजविराज कारागारमा थुनामा पठाइएको जिल्ला अदालतले जनाएको छ । जिल्ला अदालतका स्रेस्तेदार दिलकुमार वर्देवाका अनुसार आरोपितमध्ये दुई जना धरौटी राखेर तारेखमा छन् भने प्रहरीले गिरफ्तार गर्न नसकेका पाँच जनालाई वारेण्टसहितको म्यादी पुर्जी जारी गरिएको छ ।

थुनामा रहेका एक आरोपितले विवाह गर्ने प्रतिबद्धता जनाएपछि पीडित ‘होस्टाइल’ हुँदा एक जनाले सफाई पाएको स्थानीयले बताएका छन् ।

यस्तै बलात्कार प्रयासका आठ घटनाका आठ आरोपितमध्ये पाँच जना पुर्पक्षका लागि राजविराज कारागारमा थुनामा छन् । यसैगरी एक जना धरौटी राखेर तारेखमा, एक जना गिरफ्तारीमा परेको र एक जना हालसम्म फेला नपरेको निमित्त एसपी श्रेष्ठले बताए ।




तपाईको प्रतिक्रिया दिनुहोस