बलिउड अभिनेत्री कट्रिना कैफ नेपाल आउँदै

पुलेसो १६ पुस, २०७८, शुक्रबार १३:१९

बलिउडकी चर्चित अभिनेत्री कट्रिना कैफ नेपाल आउने भएकी छिन । अाेडीसि इन्टरटेनमेन्टले फागुन २६ गते टुडिखेलमा आयोजना गर्न लागेको ‘दबंग : द सलमान खान लाइभ इन नेपाल’ का लागि काठमाडौँ आउन लागेकी हुन ।

पछिल्लो समय सलमानसँग नजिक रहेकी र सलमानसँग अभिनित फिल्म ‘टाइगर जिन्दा है’ मा देखिएकि उनीले ‘दबंग टुर’ ज्वाइन गरेपछि आउने पक्का भएको हो । भारतीय मिडियाका अनुसार अमेरिका र क्यानाडामा कट्रिना जाने पक्का भईसकेको र कोलकत्ता , दुबई , नेपाल , साउथ अफ्रीकामा पनि सलमानसँगै कट्रिना आउने बताईएको छ ।

यस अघि चर्चित क्यानेडियन पप गायक ब्रायन एडम्सलाई अाेडीसिले नै काठमाडौँ ल्याएकाे थियाे । आयोजक अाेडीसि इन्टरटेनमेन्टका अनुसार सलमानका अलावा ज्याकलिन फर्नान्डेज, जरिन खान, डेजी शाह, प्रभु देवा र मित ब्रदर्श काठमाडौँ आउन लागेका हुन् । एजेन्सी