७१ वर्षको उमेरमा उम्मेदवार

पुलेसो २४ भदौ, २०७८, बिहीबार १२:४९

महोत्तरीमा लामो समयदेखि राजनितीकमा सक्रिय रहेका एक ७१ बर्षिय बृद्धले वडा सदस्यको रुपमा मनोनयन दर्ता गराएका छन । वुधबार आफै निर्वाचन अधिकृतको कार्यालयमा पुगेर जलेश्वर नगरपालिका वडा नं. ६ का ७१ बर्षिय रामरतन मिश्रले नेपाली काँग्रेसको तर्फबाट उम्मेदवारी दर्ता गराएका हुन ।

देश संघियतामा गएपछि थप गरिएका पद र मौकाले आफुलाई मनोनयन गर्ने अवसर जुडेको राम रतन मिश्रले पत्रकार समक्ष बताए ।

जितेर जनताको सेवा गर्नेलालसाले वृद्धावस्थामा समेत निर्वाचनमा सहभागि हुने ईच्छा भएको र नेपाली काँग्रेसले समेत उमेरको अन्तिम अवस्थामा आएर भएपनि वडा सदस्यको टिकट दिएको उहाले बताए ।