३० असार, २०८१
    {
लुम्बिनी प्रदेश / कृषि / समाचार

व्यावसायिक भैँसी पालनबाट मनग्य आम्दानी

  • पुलेसो
  • २०८१, असार ६ बिहीबार
व्यावसायिक भैँसी पालनबाट मनग्य आम्दानी

देउखुरी (दाङ) - घोराही उपमहानगरपालिका-६ बचाहामा बाबुराम वलीले विगत तीन वर्षदेखि व्यावसायिक भैँसी पाल्दै आएका छन्। उनले बाबुराम बहुउद्देश्यीय कृषि तथा पशुपन्क्षी नामको फार्म दर्ता गरेका छन्।

दुई दशक दुबईमा बसेर फर्किएका व्यवसायी वलीले श्रीमतीको नाममा व्यवसाय दर्ता गरेका छन्। उनले ३६  भैँसीबाट व्यवसाय सुरु गरेका हुन् । उनले दुध दिँदासम्म भैँसी आफै राख्ने गरेका छन् । उनले भने, “बिहान बेलुका गरी दैनिक ९६ लिटर दुध आफैले बजार पुर्‍याउने गरेको छु २८ लिटर दुध ७५ रुपियाँका दरले तुलसीपुर-१८ दुधरासको डेरीबाट किनेर एक सय रुपियाँमा बिक्री गर्ने गरेको छु ।” महिनाको ३० हजार भैँसीको दानापानी र अन्य खर्च कटाउँदा तीन लाख ४० हजार महिनामा आम्दानी हुने गरेको उनले बताए ।

आफैले मोटरसाइकलमा क्यान राखेर दैनिक दुध घोराही बजारका ग्राहकलाई घरघरमा पुर्‍याउने गरेको उनले बताए । आफ्नो काम गर्न लाज मान्नु हुँदैन । पसिनाको कमाइ मिठो हुन्छ । उनले सबै भैँसीको बिमा गरेका छन् । भैँसीको दुधका साथै मल पनि बिक्री हुन्छ । एक ट्याक्टर मल चार हजार पाँच सयमा बिक्री गर्ने गरेको बताए । अलिकति जाँगर गर्ने हो भने सबै ठाउँमा पैसा छ । भैँसीको दुध, मल र बाख्रा बेच्दा पैसा आउँछ । गत वर्ष दुध बिक्री गरेको पैसाले साढे दुई कठ्ठा जग्गा थपेको उनले बताए । 

बिस लाख कठ्ठाका दरले ५० लाखमा किनेको बताए ।“भैँसीलाई चाहिने घाँस, पराल घरमै उत्पादन हुने गरेको बाहिर किन्नु पर्दैन”उनले भने । गोठको एउटा कोठा भरी बरसिम घाँस र गहुँको भुस भरिभराउ छ । चार बिघा खेतबारी आफ्नै छ, त्यतिले नपुगेर साढे एक बिघा खेत वार्षिक २० हजार भाडा दिने सर्तमा लिएर घाँसखेती गरेको छ । आफ्नै लगानीमा सबै खर्च गरेको उनले बताए । 

 

उनले भने,कसैले सहयोग लिन आउनुस् भनेका छैनन् मलाई सहयोग चाहियो भन्न गएको छैन  । कहाँ कसरी सहयोग मिल्छ भनेर सोध्न जाने समय पनि नभएको उनले बताए । स्थानीय तहले दिने अनुदानका बारेमा अनविज्ञ रहेको उनले बताए ।

व्यवसायी वलीले भैँसीका साथमा बाख्रा पनि पालेका छन्। उनीसँग १७ खसी, बोका र बाख्रा छन् । भैँसीका लागि दानापानी जुटाउन परिहाल्छ । त्यसैमा अलिकति दाना थपे बाख्रा पाल्न सकिन्छ भन्ने सोचाइ आएर बाख्रा पनि सुरु गरेको उनले बताए ।

प्रतिक्रिया

छुटाउनुभयो कि?

फिल्डिङ र ब्याटिङमा कमजोरी भए, आगामी...

काठमाडौँ - नेपाली राष्ट्रिय क्रिकेट टिमका कप्तान रोहितकुमार पौडेलले अमेरिका र वेस्ट इण्डिजको मैदान नै बलिङमैत्री रहेकाले ब्याट्सम्यानलाई दोष दिन नमिल्ने बताए।

बिहीबार टी–२० विश्वकपमा सहभागी...

फिल्डिङ र ब्याटिङमा कमजोरी भए, आगामी दिनमा सुधार गर्छौँ : कप्तान पौडेल

रोजगारसम्बन्धी कार्यक्रमलाई बजेटले प्राथमिकता दिएको छ...

काठमाडौँ - अर्थमन्त्री वर्षमान पुनले सरकारले ल्याएको बजेटमा आन्तरिक उत्पादन तथा रोजगारसम्बन्धी कार्यक्रमलाई प्राथमिकता दिइएको बताए।

राष्ट्रिय सभाको आजको बैठकमा आर्थिक वर्ष २०८०र८१ को बजेटमाथिको सामान्य...

रोजगारसम्बन्धी कार्यक्रमलाई बजेटले प्राथमिकता दिएको छ : अर्थमन्त्री पुन

विकास पर्खेको विकट बस्ती मलास

डडेल्धुरा - डडेल्धुराको भित्री मधेस क्षेत्रमा पर्ने मलास कञ्चनपुर सदरमुकाम महेन्द्रनगरबाट १६ किलोमिटरको दुरीमा अवस्थित छ ।

उक्त बस्तीमा छ सय बढी मतदाता छन् । कञ्चनपुरको सीमाक्षेत्रमा...

विकास पर्खेको विकट बस्ती मलास

थानकोट–चन्द्रागिरि–चित्लाङ सडक असार २० सम्म बन्द

हेटौँडा - थानकोट–चन्द्रागिरि–चित्लाङ सडक (गणेशमान सिंह मार्ग) निर्माण एवं मर्मतसम्भारका क्रममा शुक्रबारबाट बन्द हुने भएको छ ।

थानकोट–चन्द्रागिरि–चित्लाङ सडकको थानकोट–चन्द्रागिरि खण्डमा मोड सुधार, उकालो कम गर्ने,...

थानकोट–चन्द्रागिरि–चित्लाङ सडक असार २० सम्म बन्द