काठमाडौं - प्रतिनिधि र प्रदेश सभा सदस्य निर्वाचनको दिन आज आन्तरिक उडान नहुने भएको छ ।

त्रिभुवन अन्तर्राष्ट्रिय विमानस्थलबाट आन्तरिकतर्फ चार्टड उडान मात्रै हुने विमानस्थलका प्रवक्ता टेकनाथ सिटौलाले जानकारी दिए ।उनका अनुसार चाार्टर्ड उडानको लागि तारा एयर, समिट एयर र सीता एयरले अनुमति लिएका छन् ।

सबैले पर्यटकका लागि चार्टर्ड उडानको अनुमति लिएको उनले बताए । तारा एयरले चार वटा, समिटले पाँच वटा र सीता एयरले छ वटा चार्टर्ड उडानको अनुमति लिएका छन् ।

हेलिकप्टरको पनि केही उद्धार उडान हुने सिटौलाले बताए।