२० असार, २०७९
    {
राजनीति / अर्थ

पेट्रोलिय पदार्थको मूल्य वृद्धिविरुद्ध देशभर प्रदर्शन

डिजेलमा १५ र पेट्रोलमा १० प्रतिशत मूल्य वृद्धि
  • पुलेसो
  • २०७९ असार ०६ सोमबार
पेट्रोलिय पदार्थको मूल्य वृद्धिविरुद्ध देशभर प्रदर्शन

काठमाडौँ । पछिल्लो समय निरन्तर बढ्दै आएको पेट्रोलिय पदार्थको मूल्य पुनः बढेको छ । नेपाल आयल निगमले आजदेखि लागु हुने गरी पेट्रोलियम पदार्थको मूल्यमा भारी वृद्धि गरेको हो ।

पछिल्लोपटक निगमले पेट्रोलियम पदार्थ डिजेल र मट्टीतेलमा १५ प्रतिशतसम्म मूल्य वृद्धि गरेको छ । यस्तै, पेट्रोलमा १० प्रतिशतले मूल्य वृद्धि गरेको छ । एकैपटक डिजेल र मट्टीतेलमा २७ रुपैयाँ मूल्य वृद्धि हुँदा पेट्रोलमा २१ रुपैयाँ वृद्धि भएको हो ।

निगमले पेट्रोलियम पदार्थको मूल्यमा भारी वृद्धि गरेसँगै देशका विभिन्न भागमा प्रदर्शन भएको छ । निगमले व्यापार घाटा कम गर्ने भन्दै भारी मात्रामा मूल्य वृद्धि गरेपछि सर्वसाधरणदेखि व्यवसायीसमेत प्रदर्शनमा उत्रिएको हो ।

प्रदर्शनकारीले देशका विभिन्न भागमा राजमार्ग अवरुद्ध गरेका छन् । यस्तै यातायात व्यवसायीले विरोध गर्दै सरकारको नीतिविपरीत भारी मात्रामा भाडा वृद्धि गरेको छ ।

प्रदर्शनकारीले कोसी राजमार्गअन्तर्गत विराटनगरको राजवशी चोक सडक खण्ड सोमबार बिहानैदेखि अवरुद्ध गरेका छन् । उनीहरूले मुख्य सडकमा सवारी साधन राखेर यातायात अवरुद्ध गरेका हुन् ।

यस्तै, पेट्रोलियम पदार्थको मूल्य वृद्धिको विरोध गर्दै नेकपा एमाले निकट अनेरास्ववियुले बुटवलमा प्रदर्शन गरेको छ । बुटवल बहुमुखी क्याम्पसअगाडि सडकमा विद्यार्थीहरूले बिहानैदेखि मूल्य वृद्धि फिर्ता गर्न माग गर्दै विरोध गरेका हुन् । उनीहरूले सडकमा टायर बालेर सवारी साधनलाई चल्न दिएका थिएनन् ।

प्रदर्शनमा बोल्दै अनेरास्ववियु रुपन्देहीका अध्यक्ष शेषकान्त पोखरेलले सरकारले नागरिकलाई राहत दिनुभन्दा निरन्तर पेट्रोलिय पदार्थको मूल्य वृद्धि गरी जनताको ढाड सेकेको बताए । उनले मूल्य वृद्धि फिर्ता नभए जिल्लाभर आन्दोलन चर्काउने चेतावनी दिए ।

यसैगरी कास्कीका यातायात व्यवसायीहरूले पेट्रोलिय पदार्थको मूल्य वृद्धि भएको भन्दै आफूखुसी सवारी भाडा बढाएका छन् । उनीहरूले आन्दोलन गर्नुभन्दा भाडा बढाएर सेवा दिने बताए । तर, सरकारले बनाएको नीतिविपरीत व्यवसायीहरूले १५ प्रतिशतसम्म भाडा वृद्धि गरेका छन् ।

विधानतः पेट्रोलियम पदार्थको मूल्य बढेसँगै भाडा समायोजन यातायात व्यवस्था विभागले गर्दै आएको छ । तर, व्यवसायी आफैंले सरकारलाई अटेर गरी भाडा बढाएको हो । पृथ्वी राजमार्ग बस सञ्चालक कम्पनीका अध्यक्ष योगेन्द्र केसीले सरकारले गर्दा आफूहरले भाडा बढाउन बाध्य भएको बताए ।

प्रतिक्रिया

छुटाउनुभयो कि?

टी-२० अभ्यास खेलमा नेपाल विजयी

काठमाडौं -  नेपाली राष्ट्रिय क्रिकेट टोलीले क्यानडाको ओन्टारियो क्लबविरुद्धको अभ्यास खेलमा लगातार दोस्रो जित निकालेको छ ।  

आइतबार राति भएको टी-२० खेलमा नेपालले ओन्टारियोलाई ५५ रनले...

टी-२० अभ्यास खेलमा नेपाल विजयी

मधेस सरकारको ‘छोरी शिक्षा बीमा’ कार्यक्रम...

 

मधेस सरकारको लोकप्रिय कार्यक्रम ‘छोरी शिक्षा बीमा’ कार्यक्रम पुनः सुरु भएको छ ।

मधेस सरकारको ‘छोरी शिक्षा बीमा’ कार्यक्रम पुनः सुरु

मधेस प्रदेशसभा बैठक बस्दै

जनकपुर - मधेस प्रदेश सरकारले प्रदेश सभामा प्रस्तुत गरेको आगामी आर्थिक वर्ष २०७९/०८० को बजेटमाथि आजदेखि छलफल सुरु हुने भएको छ ।

मधेस प्रदेशसभाको बैठक आज दिउँसो...

मधेस प्रदेशसभा बैठक बस्दै

दशरथचन्द राजमार्ग सञ्चालनमा

बैतडी - पहिराले अवरुद्ध बनेको दशरथचन्द राजमार्ग पूर्णरूपमा सञ्चालनमा आएको छ ।

राजमार्गअन्तर्गत बैतडीको खोड्पे नजिकै आरुबाटा भन्ने स्थानमा पहिरो खसेपछि आइतबार दिउँसो ३ बजेदेखि राजमार्ग...

दशरथचन्द राजमार्ग सञ्चालनमा