धनगढी – सुदुरपश्चिम प्रदेशका मुख्यमन्त्री त्रिलोचन भट्ट बुधबार बिहानै कैलालीको सिमा नाका पुगेका छन् ।

चाडबाडको बेला ठुलो संख्यामा नेपाल फर्किने नेपालीहरु मुख्य नाका गौरीफण्टामा अनुगमन गर्न मुख्यमन्त्री भट्ट सिमानाका पुगेका हुन् । उनले भारतबाट आएका नेपालीहरु सँग सिमामा भेटघाट गरेका छन् ।घर फर्किदा सिमामा हुने झन्झट को बिषयमा पनि भट्टले नेपालीहरु संग कुराकानी गरेका छन् । नाकामा नेपालीहरू दुख पाउने कुरा संचारमाध्ययममा आईरहने भएकाले स्थलगत अध्ययन गर्न मुख्यमन्त्री आफै नाका पुगेको मुख्यमन्त्रीका प्रमुख स्वकिय सचिव शिवसिहं ओलीले बताए ।

सिमा नाकामा आउने नेपालीलाई कुनै दुस्ख नहोस भन्नको लागी त्यँहाको बारेमा बुझ्न भट्ट सिमा सिमा क्षेत्रमा जानु भएको उनका स्वकिय सचिव ओलीको भनाई छ ।सिमामा आउने नेपालीलाई कुनै किसमको दुस्ख नहोस भन्नको लागी कैलाली प्रशाशनले पनि विशेष सतर्कता अपनाएको छ । प्रहरीले सिमा क्षेत्रमा हेल्प डेस्कको पनि स्थापना गरेको छ ।

मुख्यमन्त्री भट्टको अनुगमनका क्रममा नेपाल फर्किने नेपालीहरूले विगत भन्दा अहिलेको आवागमनमा सहज भएको  प्रमुख स्वकिय सचिव ओलीले बताए ।